Kipparin festivaali

Kipparin festivaali oon festivaali jonka laitethaan Pyssyjovessa kohta joka kesä. Festivaalin laitethiin ensi kerttaa vuona 2008. Vuona 2011 festivaali oli tullu niin isoksi ette ihmiset jokka olthiin työtelheet festivaalin kans olthiin jälkhiin niin vaipunheet. Siksi häytyi tulla paussi. Festivaali tuli takaisin vasta vuona 2014. Vuona 2014 myythiin festivaalhiin suunile 800 bilettii, joka oon paljon kylässä jossa asuthaan tyhä 200 ihmistä.

Festivaali oon tärkkee areena kväänin kielele ja kultuurille. Täälä saatat nähđä ja kuula kväänin kulttuurin ja kielen likeltä. Monet festivaalin kävijät puhuthaan kväänii joka päivä. Saatat sitte hyvinki oppiit yhđen ja toisen sanan.

Musikki oon kans tähđelinen festivaalissa. Joka vuosi festivaalissa oon myötä artistit ja bändit jokka pelathaan sekä kvääniksi ja norjaksi. Ushein oon tulheet nuoret musikkarit jokka pelathaan ja laulethaan kväänimusikkii. Se oon kans tapattunnu ette kväänin instrumenttii, kanteletta, oon pelattu.
Vaikka festivaali pääassiissa kokkoo yhtheen monnii raavhaita, löyttyy kans aktiviteettii nuorele väjele. Aijemin oon muun myötä saatettu oppiit haasita, joka oon teknikki jota piđethiin paljon entisessä aijassa.

Ko oon festivaali, ihmiset otethaan pääle sen kaunhiin vaattheen mikä heilä oon – nimittäin kväänipuvun.
Kipparin festivaali oon festivaali jonka mooli oon tehđä kväänin kulttuurin ja kielen näkyväksi. Tämän oon kyllä arranšöörit jaksanheet.

Bookmark and Share

Kuoraa meitä! Følg oss!

Facebook Twitter Flickr Issuu Youtube Delicious