Kolmikielinen kalenteri vuođele 2017

Kainun institutti, RiddoDuottar-museumi ja Porsangin Saamen kulttuuri- ja kielisentteri oon vuona 2016 menheet yhtheen ja tehnheet kolmikielisen kalenterin vuođele 2017, RiddoDuottar-museumin jokivenetprošektin yhtheyđessä. Jokivenetprošektin mooli oon dokumenteerata, ottaat vaarin ja välittäät tiettoo siitä, kuinka jokivenheitä pykäthään ja piđethään.

Kalenterissa oon korreet mustavalkkeet kuvat jokivenetmotiiviista, jokka oon ottanheet Ingemann, Richard Bergh, Aage Hegge, Anders Johan Bongo, Samuli Paulaharju, Olga Kvalheim ja Elisabeth Meyer.

Porsanki oon kolmikielinen komuuni, ja tämän näkkee kans kalenterista. Joka kuukausi oon sananparssiita norjaksi, saameksi ja kvääniksi. Lisäksi löyđät sekä norjalaiset, saamelaiset ja kväänin merkkipäivät.

Jos halluut olla jokivenetprošektin informantti, se RiddoDuottar halluu, ette otat kontaktii heiđän kans!

Tämä häyttyy olla täyđellinen jouluskenkki sinule, joka perustat kielestä ja kulttuurista!

Kalenteri maksaa 100 kruunuu, ja myyđhään Kainun institutissa, Saamen kieli- ja kulttuurisenterissa ja RiddoDuottar-museumissa. Saatat kans tingata sen Kainun institutista ringaamalla numeron +47 78 56 10 10, tahi kirjoittamalla epostin, post@kvenskinstitutt.no.

kalender2017

Bookmark and Share

Kuoraa meitä! Følg oss!

Facebook Twitter Flickr Issuu Youtube Delicious