Aaronin Jussan Terje saipi ritariarvon 16. marsikuuta 2015

16. marsikuuta 2015 Kväänin kansan päivänä, Pyssyjoki Porsangin komuunissa oli tärkkee paikka kväänile. Silloin nimittäin opetusjohtaaja Terje Aronsen, eli Aaronin Jussan Terje, sai Ritarimitalin, eli Kuninkhaalisen Ruiđan Pyhän Olafin Ensimäisen Ritariarvon. Paljon väkkee oli löytäny tien Kainun institutile juhlimhaan tätä merkittävää tapattumaa.

Pyssyjoklaisduuo Kaksi laksoo lauloi ritarin kunniaks.

Puhelistala oli muun muuvassa Porsangin komuunin sananjohtaaja, Ruijan kväänit ja tietenki fylkesmanni Gunnar Kjønnøy, joka antoi Kuninkhaan mitalin Terjele.

Se oli sikkaristi yksi päivän pääpersoonan elämän suurimista hetkistä ko fylkesmanni kiinitti mitalin kväänipuvun västile, ja syystä kyllä. Tämmöisen mitalin saapi ihminen tyhä, jos oon tehny jotaki, jolla oon erikoisen suuri merkitys samfunissa ja koko ihmiskunnale. Terjele se oli tärkkee, ette tämä mitali oon kaikile kväänile, jokka haluthaan kuurota kväänin kieltä ja kulttuurii.

Met onnittelema Terjee oikhein paljon kaikesta työstä mitä hän oon tehty kväänin kulttuurin ja kielen eđestä, ja toivotamma hänele kaikki hyvvää tullevaisuuđessa.