Filmipremiääri Kainun institutissa

    1. januaarikuuta 2016 kello 18.00 oon filmipremiäärin aika Pyssyjovessa. Sillon näytämä Lightsource Film Productions ASin tekemän filmin “Salainen kieli”.

    “Aprillikuussa vuona 2005 sai Norja uuđen kielen.

    Sillon ko Norjasta tuli ittenäinen staatti, otethiin kokonaiselta kansanjoukolta kielen ja kulttuurin, ja usheemat sukupolvet häyđythiin puhhuut kieltä, joka ei ollu heiđän oma. Miksi tämä tapattui? Mitä tapattuu, ko kokonainen samfynni ei saa puhhuut ommaa äitinkieltä omile lapsile? Mitä ihminen menettää tässä prosessissa, ja mitä tapattuu ihmisen identiteetin ja ittetuntheen kans?

    Mitä tapattuu ko kieli, mitä puhut, ei ole hyväksytty oikkeeksi kieleksi, ja ko kieli, mitä puhut koulussa, oon muu ko se, mitä puhut sinun vanhiimitten kans? Mitä tapattuu ko sinun äitinkieli ei ole tyhä kieletty, mutta hävitethään kans aktiivisesti?

    Tämä tapattui kvääniile.

    Ei yksikhään Norjassa tieđä mithään kvääniin ympäri, vaikka het oon asunheet Pohjas-Ruijassa 800-luvusta saakka.

    Ei yksikhään Norjassa tieđä ette kvääni oon yksi meiđän viiđestä viralisesta kielestä.”

    premiaari