Institutti saapi pikkuisen lissää rahhaa vuona 2015

Kulttuuridepartementti ehđoittaa ette Kainun institutti saapi kuurttoo 5,4 miljoonaa kruunuu.

– Met emmä ole niin eriliikaisen tytyväiset jos saama tyhä 122 000 kruunuu enämen, sannoo institutin johtaaja Hilde Skanke. – Met tarvittemma usseemppii kielityöntekkiijöitä Kainun institutissa.

Hallitus ehđoittaa kväänitoimhiin oman kuurtopostin, mikä oon 3,6 miljoonaa kruunuu. Kvääniassiit saađhaan yhtheensä miljoona kruunuu enämen ko viimi vuona.

Tästä saađhaan Omasvuonon kielisentteri ja Haltiin kväänisentteri rahhaa omhiin toimhiin. Sentterit järjestethään aktiviteettii lapsile, nuorile ja raavhaile. Samasta kuurtopostista annethaan kans prošektirahhaa toimhiin mikkä oon kuvvailtu postissa 70 Tilskudd til nasjonale minoriteter.