Konsertti: Elävät ja elläimet

Lasten lauluroikka anttaa ulvos ensimäisen albumin Elävät ja elläimet.

Lasten lauluroikka anttaa ulvos ensimäisen albumin Elävät ja elläimet – Ville dyr og husdyr.
Tervettulema releasekonsertthiin 24. maikuuta 2019 kl. 18.00 Kainun institutissa Pyssyjovessa!
Konsertti oon ilman!

Elävät ja elläimet -musikkiprosjekti 

Elävät ja elläimet -prosjekti oon kväänin lastenmusikkiprosjekti. Sen meininkinnä oon auttaat lapsii tulemhaan opphaiksi kväänin kielen kans musikin avula. Tätä varten oon prosjektissa pelattu sisäle albumin Elävät ja elläimet.

Anna-Kaisa Räisänen ja Merethe Eidstø oon kirjoittanheet uusii laulutekstii kvääniksi ensisti Kväänin kielipesä prosjekthiin ja hiljemin Elävät ja elläimet prosjektii varten. Kaikki laulut muistelhaan luonosta, elävistä ja elläimiistä. Carlos Jeldes oon arrangeeranu nämät melodiit. Elävät ja elläimet -prosjektissa oon kans laitettu kaksi kokonansa uutta lauluu.

Prosjektissa oon ollu myötä 13 lasta Porsangissa. Heän laulujoukon nimi oon Lasten lauluroikka. Prosjektissa oon kans myötä 6 lasta Raisissa. Kaikki lapset oon olheet myötä Kväänin kielipesä- ja Kielitruisku-prosjektiissa. Musikkiprosjektissa het oon saanheet lujittaat kväänin kielen oppimista. Samala lapset saahaan oppiit kvääniin musikkitradisjuunista, mutta kans siitä kunka oon maholista hakkeet inspirasjuunii mailman musikkikulttuurista.

Kväänin institutti yhessä Carlos Jeldesin kans oon kovonnu Elävät ja elläimet-bändin.

Carlos Alfredo Jeldes Ramirez, bassi ja perkusjuuni
Edgar Albitres, pilli 
Gro Ratama Skanke, fioliini
Stig Pettersen, trummat 
Svein Schultz, bassi
Torje Åsali Jenssen, gitarri
Trygve Beddari, vetopeli

Lasten lauluroikka anttaa ulvos ensimäisen albumin Elävät ja elläimet.