Halti ja Kveeninuoret järjestethään kielileirin Tornionlaaksossa

Haltiin kveenikulttuurisentteri IKS ja Kveeninuoret – Kvensk Ungdomsnettverk kuttuthaan Ruijan 18-30 -vuotissii kvääninuorii osalistumhaan kväänin- ja meänkielisheen kielileirhiin, minkä järjestethään Pajalassa 2.-6. juulikuuta 2014 – justhiin Pajalan markkinoitten aikhaan.

Kveeninuoret ja justhiin perustettu nuortenjärjestö, Met Nuoret – Tornedalingarnas Ungdomsförbund, vieđhään yhđessä läpitte tapattuman. Het oon päättänheet yhđessä nostaat esile heiđän omat kielet – meänkielen ja kväänin. Nyt oon ensimäinen kerta ko kvääninuoret ja tornionlaaksolainen nuortenjärjestö järjestethään yhtheisen tapattuman.

Matkat ja ylöspito oon ILMAN, mutta huomaa ette paikkoi oon tyhä vissi määrä!

Kielileirin aikana Pajalassa tapattuu paljon. Silloin oon näjet Norrbottenin suurimat kesämarkkinat, Pajalan markkinat, ja sielä käypi joka vuosi suunile 45 000 ihmistä.

Oonko sulla kysymyksii? Ota kontaktin: Kveeninuorten johtaaja Nora Marie Ollila e-posti: nooramarie@hotmail.com tel. +47 913 64 963

kveeninuoret-

Prošektin järjestethään yhtheistyönä, ja siinä oon myötä Halti Kvenkultursenter IKS, Norske Kveners Forbund / Ruijan Kveeniliitto, Kveeninuoret – Kvensk Ungdomsnettverk, Svenske Tornedalingars Riksförbund – Tornionlaaksolaiset ja Met Nuoret – Tornedalingarnas Ungdomsförbund. Kommunal- og moderniseringsdepartementet kuuroo kielileirii.