Hans Kristian Eriksen – kväänikulttuurin tärkiä persoona oon nyt poissa

Toisena helluntaipäivänä met saima surulisen tieon ette kirjailija ja kulttuuripersoona Hans Kristian Eriksen oon kuolu. Taas olema mistanheet yhen kväänikulttuurille ja -litteratuurile tärkiän suuren persoonan.

Hans Kristian Eriksen syntyi Sisä-Kiiperissä, Finmarkussa. Raavhaana hän asettui Senjhaan, Tromsshaan. Hän oli Idar Kristiansenin kans ensimäisiä, joka kuvvaili kvääni-identiteettiä sievälitteratuurin avula.

Vuona 1978 Eriksen perusti aviisin Nordnorsk Magasin, jossa hän työteli redaktöörinä vuotheen 2005 saakka. Vuona 1979 Eriksen sai Tromssan fylkinkomuunin ensimäisen kulttuuripalkinon hänen työstä näitten etheen: kirjailijan työ, histooria, kulttuuri ja luononsuojelus. Eriksen (1933-2014) eli 81-vuotiseksi sakkaa.

Alt lukta rart,
alt smakte salt.
Og ingen ting va som hjemme på Kivijärvi.
Æ sto ved kanten av havet.
Bjeksoan mine va godt smurt,
så de holdt vatnet ute
mens æ sto og lot havet vaske oppover leggan.
Æ tok forsiktig vatn i handa og smakte.
Det var salt som alt det andre
her i det rare salte landet.

Hans_Eriksen
Teksti oon rommaanista “Flykten til havet. Juhani og Hilja” (1985). Siinä Eriksen kuvvailee kuinka kväänitten esivanhemat tulthiin Pohjais-Ruijhaan.

Kirjoittannu

Kaisa Maliniemi
dr.art. kväänilitteratuurissa

Artikkeli Hans Kristian Eriksenistä: http://www.kvenskinstitutt.no/kultur/kvensk-litteratur/hans-kristian-eriksen/