Kainun institutin uusi johtokunta

Kainun institutin johtokunnan uueksi johtajaksi oon valittu Irene Persen ja toiseksi johtajaksi Trond Trosterud. Persen oon Porsangin komuunin puolesta ja Trosterud oon Tromssan universiteetistä.

Muut johtokunnan jäsenet oon Egil Borch (Ruijan Kväänit – Pyssyjokilaiset), Leena Niiranen (HiF) ja Jan Erling Persen (Ruijan Kväänit – Lemmijokilaiset).

Novemperikuun 15. ja 16. päivä järjestethään johtokunnan ja työntekijöitten yhtheinen strategiakokkous Pyssyjovessa.