Kieli oon ihmisen kaikki – Mother language means everything

Kainun institutin prošektinjohtaaja Kaisa Maliniemi oon ollu myötä kokkouksissa ja paneelidiskušuunissa kesätapattuman ”Kieli oon ihmisen kaikki / Mother language means everything” aikana. Tapattuman järjestethiin NGO-prošektin ”Strengthening the Cultural Activities and Enliving Menaced Native languages in the Area of Leningrad” yhtheyđessä. Prošektin tarkoituksena oon vahvistaat inkeroisen ja vatjan kieltä ja kulttuurii Venäjällä. Tämän freistathaan tehđä kulttuuristen ja kielelisten aktiviteetitten avula. Sekä vatja ja inkeroinen oon uhatut kielet. Kväänin eli kainun kielen kulttuuriset revitaliseerausprošektit saatethaanki olla esimerkkinä siitä kunka oon mahđolista pittäät vaarin kielestä ja kulttuurista.

Harakka

Dmitry Harakka muistelee inkeroisen kielen tilasta.

Kesätapattuman järjestethiin Taipalsaaressa Suomessa 26.-28. juulikuuta 2013. Entinen opetusministeri ja Suomen parlamentin presidentti, staatinneuvonanttaaja Riitta Uosukainen, piti tapattuman viralisen pääpuhheen.

25.-28.8.2013 tulhaan prošektin osalistujat Suomesta, Venäjältä, Eestistä ja Ruijasta käymhään Kainun institutissa. Sielä het opastuthaan kväänin eli kainun kielen ja kulttuurin tilhaan Ruijassa.

Laulu

Laulujoukko ”Talon merkit” laulaa inkeroisen kielelä.