Kieliteknologiaa yhessä suomalais-ugrilaisten kielitten kans

Kväänin eli kainun kielele tehhään oman oikheinkirjoitus- ja oikomaprogramin, ja tämä työ alkkoi kieliteknologian kursila januaarikuussa. Alussa kväänin kielele tehhään daattorimodelleja, jokka sitte muutethaan analyysiprogramiksi. Tämän pohjalta syntyy oikheinkirjoitusprogrami, mikä avittaa tavalisia kielenkäyttäjiä, kääntäjiä ja kielitutkijoita.

Kieliteknologiakursin järjestethiin Helsingissä ja siinä olthiin myötä Julia Kuprina (vuorimari), Merja Salo (moksa ja hanti), Renate Blumberga (liivi), Sven-Erik Soosaar (nenetsi), Timo Rantakaulio (aunuksenkarjala eli livvi ja inkeroinen), Mervi Haavisto (kvääni), Florian Siegl (nganasani), Sulev Iva (võru), Neeme Kahusk (eesti) og Auli Oksanen (kolttasaame). Kursinopettaajat olthiin Jack Rueter (Helsingin universiteetti), Sjur Moshagen og Trond Trosterud (Tromssan universiteetti).

Kuva: Mervi Haavisto

Pääosa kursin osalistujista oon myötä suomalaisen Koneen Stiftelsin programissa, mikä dokumenteeraa uralilaisia kieliä. Kieliteknologian kursin järjestää Helsingin universiteetti ja Giellatekno. Met olema iloiset ette saima olla myötä tällä kursila. Kiitoksia!