Kvääniin ja tornionlaaksolaisten suuret muistelijat – Pohjaiskalotin tuntematon histooria

Qvæn Østlandet järjestää Kielivuođen 2013 yhtheyđessä tapattuman jossa Gunnar Kieri ja Alf Nilsen-Børsskog muistelhaan omasta kirjalisuuđesta.

Gunnar Kieri oon kirjoittannu mm. Tornionlaakson histooriasta. Hän oon kirjoittannu kirjan Finnmarken Brinner, ja se muistelee kvääniin siirtymisestä Pohjais-Ruijhaan 1800-1900 –luvula. Monet Ruijan kväänit oon tulheet Ruijhaan Tornionlaaksosta.

Alf Nilsen-Børsskog lanseeraa tapattumassa viiđenen kvääninkielisen poeemikokhoonpanon. Hän oon kirjoittannu kolme rommaaniita, ja hänelä oon jo valmis materiaali usseemppaa kirjaa varten. Kirjat muistelhaan kolmikielisen Pyssyjoven kylän elämästä Finmarkussa, ja se perustuu histoorialishiin tapattumhiin. Hänen kirjalisuus dokumenteeraa kväänin kieltä ja kulttuurii, ja rommaanit oon kirjoitettu ennen ko kväänin kielestä tuli viralinen kirjakieli. Suomessa häntä verrathaan Hamsunhiin.

Sishäänpääsy 90 kr. Serveerausta. Ruokkaa saatat ostaat.

Lauvantaina 21.09. klo 16.00
Järjestää: Qvæn Østlandet
Paikka: Litteraturhuset, Wergelandsveien 29, 0167 Oslo

Ottakkaa perheen ja ystävät myötä!

TERVETTULEMAA!

Lähđet: Qvæn Østlandet

LITTERATURHUSET FOTO: LITTERATURHUSET

LITTERATURHUSET KUVA: LITTERATURHUSET