Lemmijovessa näytethään filmin ”Under en annen himmel” 6.5. klo 19

Tervettulemaa kattomhaan Anstein Mikkelsenin uuđen dokumentaarifilmin ”Under en annen himmel”. Filmin näytethään Lemmijoven kulttuurisalissa tiistaina 6. maikuuta klo 19.

”Under en annen himmel” oon saanu inspirašuunin kvääniin tähtitaivhaasta. Filmissä kattothaan kans muitten maitten kulttuurhiin joissa oon jotaki yhtheistä kväänikulttuurin kans.

“- Se oli joulu vuona 1960. Ämmi ja mie seisoima ulkona ja kattoima tähtitaivasta. Hän oli 90 vuotta vanhaa ja mie olin neljä. Hän näytti sormela ja muisteli. Mie piđän ette hän muisteli tähđistä, mutta mie en ole aivan sikkari. Hän saattoi tyhä pikkuisen minun kieltä, ja mie saatoin vielä vähemän hänen kieltä. Tähän laihin kuvvailee filmintekkiijä Anstein Mikkelsen uutta filmii. Mikkelsen halusi tiettäät enämen hänen kvääni-ämmin tähtitaivhaasta, ja niin alkoi pitkä ja jännittäävä matka Pyssyjovesta, Anni-ämmin pikku siljolta, kauvas mailmalle.”

Filmi-illan järjestää Lakselv Kino ja Kainun institutti – Kvensk institutt. Sishään päässee ilman. Met tarjooma kaffii ja kakkoi!

”Under en annen himmel” Facebookissa: https://www.facebook.com/events/227880060731352/

KUVA: ANSTEIN MIKKELSEN

KUVA: ANSTEIN MIKKELSEN