Museumikafea Pyssyjovessa

RiddoDuottarMuseat – Porsangin museumi, Porsangin histoorialaaki ja Kainun institutti järjestethään museumikafean 25. marsikuuta Kainun institutissa. Programinjohđattaaja oon historiikki Arvid Petterson Porsangin histoorialaakista. Tapattuman aloitethaan museumin arkiivin kuvakavalkaadila, jossa näytethään vanhoita ja uussii kuvvii Pyssyjovesta. Näytethään kan pikku filmiitä Pyssyjovesta, kuulhaan äänifiiliitä, ja neuvothaan kunka museumin portaalii Digital Museum saattaa käyttäät.

VENET MATKALA UHRIKIVVIIN KRISTOFFER JA LALLA TYKÖ 1960-LUVULA. KUVA: JOHN KRISTIANSEN. RDM – PORSANGER MUSEUM.

Ajatuksena oon, ette museumi opastuis kylän väjen kans ja näyttää samala minkälaista materiaalii museumi oon kovonu. Kaikki Porsangin museumin kuvat oon vuosilta 1900-1960. Museumila ei ole vielä kuvvii, joissa näytethään elämää Pyssyjovessa ja öystäpuolela jälkhiin vuođen 1970. Sen tähđen museumi tarvittee kylän väjeltä appuu jotta se sais enämen kuvvii ja tavaroita. Museumi hakkee kuvvii joissa näkkyy esimerkiksi näitä: arkipäivän elämä, ympäristö, käsityö, pytingit, elläimet, maanpruuki, mettänpruuki, kalanpyytö, leikit, koulunkäynti, nuortenkulttuuri, jne.

Syđämellisesti tervettulemaa!

Programinjohđattaaja: Arvid Petterson

Tiistai 25.03.2014

Klo 18:00-19:30 Kuvakavalkaadi Pyssyjovesta

Klo 19:30-20:00 Museumsportalen netissä www.digitaltmuseum.no

Paikka Kainun institutti – Kvensk institutt

Tapattumhaan päässee ilman