Solgunnin muisteluksii presenteerathaan Porsangin Kulttuurinmuistopäivilä

Solgunn Hesjevollin ”Solgunni muistelee / Solgunn forteller” (2014) presenteerathaan Porsangin Kulttuurinmuistopäivilä 2014. Kainun institutin johtaaja Hilde Skanke presenteeraa kirjan. Tapattuma oon Porsangin biblioteekissä 16. septemperikuuta klo 17.

Kirjassa muistelhaan kväänin kielestä, identiteetistä ja ittetunnosta, ja elämästä ruijalaistumisen aikana. Hänen pikku histooriat ja diktit muistelhaan siitä, minkälaista oli kasuta ylös 1950-60 –luvun kolmikulttuurisessa Porsangissa.

Solgunn Hesjevoll (1947-2014) nukatti pois heti jälkhiin ko kirjan oli präntätty. Hän oon pois Pyssyjoven Väkkärästä. Hän alkoi 60-vuotisenna studeeraamhaan ommaa äitinkieltä Tromssan universiteetissä, ja silloin hän alkoi kans kirjoittamhaan.

Porsangin Kulttuurinmuistopäivät piđethään 14.09.-24.09.2014. Kulttuurinmuistopäivät oon joka vuosi septemperikuussa, ja se oon suurin yhtheinen kulttuuriperinön juhla Euroopassa.

Kulttuurinmuistopäivät 2014 http://www.porsanger.kommune.no/kulturminnedagene-2014.5572089-21678.html

Solgunn

SOLGUNN HESJEVOLL: SOLGUNNI MUISTELEE – SOLGUNN FORTELLER (2014).