Tulisielut työssä

Pohjaisen ihmissii – Davvi olbmot – Mennesker i Nord –kuvakalenterin tämän vuen teemana oon kväänin ja merisaamen kielen ja kulttuurin revitaliseeraus. Meilä oon ilo esitellä teile koko roikan tulisieluisia ihmisiä jokka työtelevä kielen ja kulttuurin säilyttämisen etheen. Ihmisillä oon kans suuri intressi työtelä sen etheen ette saatais enämen kolmikielisiä tiekylttejä, ja se tullee kans kuvissa esile.

Kalenterissa oon sekä perintheisiä ja vähemistöjen omia merkkipäiviä. Lisäksi löyät kalenterista viraliset ruijalaiset ja saamelaiset flakupäivät. Kaikki kalenteritekstit oon kvääniksi, saameksi ja ruijaksi. Lisäksi met haluama tua esile kväänin- eli kainunkielen moninaisuutta, ja sen tähen olema kirjoittanheet kalenterin kvääninkieliset tekstit kahela eri variantila. Kuvatekstit oon kirjoitettu öystä-variantila ja muut tekstit vesta-variantila. Öystä-variantti oon likempänä Varengin dialektejä ja vesta-variantti likempänä Porsangin ja Raisin dialektejä.

Kalenterin julkaisthaan nyt neljänen kerran. Kuvvaajat oon Ørjan Bertelsen, Stian Eliassen, Ellen Berit Dalbakk, Mervi Haavisto, Nikita Hilko, Bente Imerslund, Liisa Koivulehto, Pirjo Paavalniemi, Sonja Siltala ja Silja Skjelnes-Mattila.

Kalenterin voit ostaa täältä: Kainun institutt – Kvensk institutt ja Mearrasámi diehtoguovddáš / Sjøsamisk kompetansesenter Tahi tilata täältä: post@kvenskinstitutt.no

Enämen tietoa:

Hilde Skanke
Institutin johtaaja – Daglig leder
E-post: Hilde.Skanke(a)kvenskinstitutt.no
Tel. +47 46 54 88 70

Pirjo Paavalniemi
Kieli- ja kulttuurityötelijä – Språk- og kulturmedarbeider
E-post: Pirjo.Paavalniemi(a)kvenskinstitutt.no
Tel. +47 46 54 88 25

Pränttilukumäärä 600 kpl
Formaatti A4
28s.
Häfti
Hinta 100.-