Selvittääjä sekretariaatthiin

Anna-Kaisa Räisäsestä (39) tullee selvittääjä Tottuuen- ja sovinonkommisjuunhiin. Sekretariaatissa oon työssä aukustikuusta 2019 alkkain sitte nelje persuunaa.

Anna-Kaisa Räisänen. Kuva: Kainun institutti

Räisänen oon työssä faakilisena velvolisena Kainun institutissa Pyssyjovessa. Hän tekkee kans hänen tohtoringraadin työtä kväänin kielestä Oulun universiteetissä.

Räisäsellä oon pitkä kokemus työstä kväänin kielen ja kulttuurin kans. Hän oon justhiin nyt työtelemässä musikkiprosjektin ”Elävät ja elläimet» kans missä meininkinnä oon opettaat lapsile kväänin kieltä musikin läpitte.

Viranhoito alkkaa aukustikuun 2019 keskivälissä.