Muistosanat Mervi Anneli Haavistolle

Se oon ollu suuri suru ottaat vasthaan sanoman Mervin poismenosta. Mervi oli syntyny 5. septemperikuuta 1971 Lammila Suomessa.

Mervi alkoi työtelemhään Kainun institutissa vuona 2007. Hänelä oli koulutus taitheissa, graafisessa designissa ja saamen kielessä ja kulttuurissa, ja hän oli ollu työssä kans Anarâš- aviisissa, Saamelaismuseo Siidassa, Áššu-aviisissa ja Yle Sámi radiossa.

Mervilä oli Kainun institutissa eesvastaus tieotus- ja mediatyöstä, ja hänelä oli tärkkee rooli siinä ette tehä meän työn näkkyyväksi ja ette jakkaat tiettoo institutin työstä etheenkäsin. Hän oon johtanu ja koordineeranu meän informasuunityötä kans institutin sisälä, ja hänelä oli eesvastaus institutin nettilaiasta. Institutin graafinen design oon Mervin laittama, ja hän oon kans ottanu kuvat ja videot meän prosektiissa. Mervi työteli kans kväänin kielen digitaalisen sanakirjan kans.

Met muistama Mervin joka stoalaisen rauhalisesti piti meät aina innostunheina ja tietoisinna meän työstä ulkkoopäin kattottunna. Hän oon kans pitäny meät aijantasala siitä mitä muuvala mailmassa tapattuu. Mervilä oli kans hyvät neuvot institutin työn eistämisheen.

Mervi nukkui pois sairastamisen jälkhiin.

Meän syvviin myötätunto Mervin perheele.

Rauha Mervin muistole.