Kielitruisku lapsiperheile Tromssassa

Tromssan kvääniseura ja Kainun institutti kuttuuvat tromssalaiset lapsiperheet kielitruiskhuun sunnuntaina 29. oktooperikuuta kl 12.00–13.30. Kielitruiskun piethään Norjan arktisessa universiteettimuseumissa.

Lapset oppiivat kielitruiskussa kväänin kieltä leikin ja toiminan avula. Het ei tarvitte osata kieltä ko het tulleevat kielitruiskhuun. Lapset oon myötä kielitruiskussa yhessä raavhaitten, opettaajiitten ja kieliesikuvitten kans. Raavhaat oon myötä aktiviteetiissa yhessä lasten kans. Het pittäävät kväänin kieltä ja auttaavat lapsia oppimhaan sannoi ja sanonttoi.

Opettaaja oon Mari Keränen Kainun institutista. Jos sie halluut lissää tiettoo kielitruiskusta, ota yhtheyen Mari Keräsen kans: mari.keranen@kvenskinstitutt.no

Tromssan kvääniseura ja Kainun institutti tekkeevät yhtheistyötä Norjan arktisen universiteettimuseumin kans.

Kvensk språkdusj for barnefamilier | Arr: Tromsø kvenforening og Kvensk institutt | UiT